വടക്കാഞ്ചേരി: തൃശൂര്‍ അതിരൂപതയിലെ വേളാങ്കണ്ണി എന്ന പേരില്‍ സുപ്രസിദ്ധമായ കരുമത്ര ആരോഗ്യ മാതാ ദൈവാലയത്തില്‍ പരിശുദ്ധ കന്യകാമറിയത്തിന്റെ ജനന തിരുനാളിലും, വിശുദ്ധ സെബസ്ത്യാനോസിന്റെ അമ്പ് തിരുനാളിലും പങ്കെടുക്കാന്‍ ഭക്തജന സാഗരം.
തിരുനാള്‍ ദിനമായ ഇന്നലെ കാലത്ത് 7.00, 9.30, 10.30നും കുര്‍ബാനകള്‍ നടന്നു. 10.30 ന് നടന്ന തിരുനാള്‍ പാട്ടുകുര്‍ബാനക്ക് ഫാ. നിക്‌സണ്‍ കൊള്ളാട്ടു കുടികാര്‍മികത്വം വഹിച്ചു.
ഫാ. ചാക്കോ ചിറമ്മല്‍ സഹകാര്‍മികനായി. ഒല്ലൂര്‍ പള്ളി വികാരി ഫാ. ജോണ്‍ അയ്യങ്കാനയില്‍ ജീവകാരുണ്യ സഹായ വിതരണം നിര്‍വഹിച്ചു. ദിവ്യബലിക്ക് ഫാ: ബിജു പാണേങ്ങാടന്‍ കാര്‍മികനായി.
ജപമാല പ്രദക്ഷിണം, ജന്മദിന കേക്ക് മുറിക്കല്‍ എന്നിവയും, തിരുമുറ്റമേളവും നടന്നു. മച്ചാട് രഞ്ജിത്തും സംഘവും മേളത്തിന് നേതൃത്വം നല്‍കി.