ബുദ്ധനെ മറന്ന
ബുദ്ധഭിക്ഷുക്കളുടെ
സംഹാരതാണ്ഡവത്തില്‍
മേല്‍വിലാസമില്ലാതാകുന്ന റോഹിംഗ്യ.
റോഹിംഗ്യന്‍ ഗ്രാമങ്ങള്‍ക്ക്
വെന്ത മനുഷ്യ മാംസത്തിന്റെ
രൂക്ഷ ഗന്ധം.

കുഞ്ഞു കിനാവുകളുടെ
ശ്മശാന ഭൂമിക.
പിറന്ന മണ്ണില്‍നിന്ന്
പലായനം ചെയ്യുന്ന
പാതി ജീവനുകള്‍.
ചരിത്രത്തിന്റെ ഇരുണ്ട
പിന്നാമ്പുറത്തേക്ക്
ഒരു ജനതയെ
ആട്ടിയിറക്കപ്പെടുമ്പോള്‍
സമാധാന സമ്മാനത്തിനു മുകളില്‍
അടയിരിക്കുന്നു
കള്ളത്തിപ്പക്ഷി.

ഭരണകൂടത്തോടും
പട്ടാളത്തോടും
പിന്നെ,
ബുദ്ധി മരവിച്ച
ബുദ്ധരോടും
നിലവിളികള്‍ കൊണ്ട്
പോരാടുന്നവരെ കണ്ട്
ബുദ്ധനും കരയുന്നുണ്ടാകും,
ചിലപ്പോള്‍.