നെടുമ്പാശ്ശേരി: അന്താരാഷ്ട്ര വിമാനത്താവളം വഴി അനധികൃതമായി കടത്താന്‍ ശ്രമിച്ച പത്ത് ലക്ഷം രൂപയുടെ സ്വര്‍ണം എയര്‍ കസ്റ്റംസ് വിഭാഗം പിടികൂടി.
അബൂദബിയില്‍ നിന്ന് ജെറ്റ് എയര്‍വേയ്‌സ് വിമാനത്തില്‍ നെടുമ്പാശ്ശേരിയിലെത്തിയ മൂവാറ്റുപുഴ സ്വദേശി ജിംസില്‍ നിന്നാണ് അടി വസ്ത്രത്തില്‍ ഒളിപ്പിച്ച 380 ഗ്രാം സ്വര്‍ണം പിടികൂടിയത്. ഇന്നലെ പുലര്‍ച്ചെ ആറരയോടെയാണ് ഇയാള്‍ പിടിയിലായത്. രണ്ട് ചെയിനുകളായാണ് അടിവസ്ത്രത്തില്‍ സ്വര്‍ണം ഒളിപ്പിച്ചിരുന്നത്.