പെരുമ്പാവൂര്‍: മുസ്‌ലിം സോഷ്യലിസ്റ്റ് അസോസിയേഷന്‍ (എം.എസ്.എ) മെമ്പര്‍ഷിപ്പ് ക്യാംപയിന് എറണാകുളം ജില്ലയില്‍ തുടക്കമായി. വിമോചനത്തിന് വൈജ്ഞാനിക സേവന വിപ്ലവം എന്ന പ്രമേയം ഉയര്‍ത്തി പിടിച്ചാണ് എം.എസ്.എ മെമ്പര്‍ഷിപ്പ് ക്യാംപയിന്‍ സംഘടിപ്പിച്ചിരിക്കുന്നത്.
ജില്ല ഇസ്‌ലാമിക് സെന്ററില്‍ ചേര്‍ന്ന യോഗത്തില്‍ എം.എസ്.എ സംസ്ഥാന ആക്ടിങ് പ്രസിഡന്റ് മുഹമ്മദ് അലി നെല്ലിക്കുഴി സംസ്ഥാന സെക്രട്ടറി എം.എസ് അബ്ദുള്ളക്ക് മെമ്പര്‍ഷിപ്പ് നല്‍കി ക്യാംപയിന്‍ ഉദ്ഘാടനം നിര്‍വഹിച്ചു.
സംസ്ഥാന ജനറല്‍ സെക്രട്ടറി അബു മാസ്റ്റര്‍ യോഗം ഉദ്ഘാടനം ചെയ്തു. സംസ്ഥാന മുഖ്യരക്ഷാധികാരി കെ.ഇ ബഷീര്‍ മുഖ്യ പ്രഭാഷണം നടത്തി. ജില്ല ജനറല്‍ സെക്രട്ടറി സിയാദ് ചെമ്പറക്കി അധ്യക്ഷത വഹിച്ചു. ഭാരവാഹികളായ സിദ്ദീഖ് മുടിക്കല്‍, നൗഷാദ് ഏഴിപ്രം എന്നിവര്‍ സംസാരിച്ചു.