അരൂര്‍: അരൂരില്‍ ടിപ്പറിനു പിന്നില്‍ കാറിടിച്ച് രണ്ട് പേര്‍ക്ക് പരുക്ക്. കൊല്ലം സ്വദേശികളായ മൂലവിള വീട്ടില്‍ സമീര്‍ (21), ആലുവിള വീട്ടില്‍ ഷമീം (20) എന്നിവര്‍ക്കാണ് പരുക്കേറ്റത്. ഇവരെ അടുത്തുള്ള സ്വകാര്യ ആശുപത്രിയില്‍ പ്രഥമ ശുശ്രൂഷ നല്‍കി വിട്ടയച്ചു.
കൊല്ലത്തുനിന്ന് നെടുമ്പാശ്ശേരി എയര്‍പോര്‍ട്ടിലേക്ക് പോകുകയായിരുന്നു കാര്‍. ദേശീയപാതയില്‍ അരൂര്‍ ശ്രീനാരായണനഗറിനു സമീപമുള്ള യു ടേണിലാണ് അപകടം ഉണ്ടായത്.അരൂര്‍ പള്ളി കവലയില്‍ നിന്ന് വരുകയായിരുന്ന ടിപ്പര്‍ എറണാകുളത്തേക്ക് പോകുന്നതിനായി ശ്രദ്ധിക്കാതെ വളച്ചെടുത്തതാണ് കാറുമായി ഇടിക്കുന്നതിന് ഇടയായത്. ഇടിയുടെ ആഘാതത്തില്‍ കാറിന്റെ മുന്‍ഭാഗം തകര്‍ന്നു. ശനിയാഴ്ച രാവിലെ ഏഴു മണി കഴിഞ്ഞാണ് അപകടം ഉണ്ടായത്. അരൂര്‍ പോലീസ് സ്ഥലത്തെത്തി ഗതാഗതം പുനസ്ഥാപിച്ചു.