മുതലക്കോടം: സുന്നി ബാലവേദിയുടെ ആഭിമുഖ്യത്തില്‍ പഴേരി അന്‍സാറുല്‍ ഇസ്‌ലാം മദ്‌റസയില്‍ ഓസോണ്‍ സംരക്ഷണ ദിനാചരണം നടത്തി.
പഴേരി മുഹ്‌യിദ്ദീന്‍ ജുമാ മസ്ജിദ് ഇമാം മുഹമ്മദ് ഹനീഫ് കാശിഫി ഓസോണ്‍ സംരക്ഷണ ദിന സന്ദേശം നല്‍കി. മാനവരാശിയുടെയും, വരും തലമുറയുടെയും നിലനില്‍പിനായി ഭൂമിയെ സംരക്ഷിക്കണമെന്നും, ഭൂമിയില്‍ നാം ഉപയോഗിക്കുന്ന പ്ലാസ്റ്റിക്കിന്റേയും ഹരിത ഗൃഹ വാതകങ്ങളുടെയും അമിതമായ പുറന്തള്ളല്‍ മൂലം ഓസോണ്‍ പാളിയില്‍ സുഷിരങ്ങള്‍ സൃഷ്ടിക്കുമെന്നും, ഓസോണ്‍ പാളിയില്‍ സുഷിരങ്ങള്‍ ഉണ്ടാക്കുന്ന രാസ വസ്തുക്കളുടെ ഉല്‍പാദനവും, ഉപയോഗവും ഒഴിവാക്കണമെന്നും, ഭൂമിയുടെ സംരക്ഷണത്തിനുള്ള പോരാട്ടത്തില്‍ നാം ഒരുമിച്ച് നില്‍ക്കണമെന്നും അദ്ദേഹം പറഞ്ഞു.
ജമാഅത്ത് പ്രസിഡന്റ് പി.യു സൈനുദ്ദീന്‍ അധ്യക്ഷനായ യോഗത്തില്‍ സെക്രട്ടറി കെ.ബി അബ്ദുള്‍ അസീസ്, പി.എച്ച് സുധീര്‍ സംസാരിച്ചു. അസിസ്റ്റന്റ് ഇമാം മൊയ്തീന്‍കുട്ടി മുസ്‌ലിയാര്‍ പ്രാര്‍ഥന നടത്തി. മദ്‌റസാ ലീഡര്‍ നാസിം നൗഷാദ് ഓസോണ്‍ സംരക്ഷണ പ്രതിജ്ഞ ചൊല്ലിക്കൊടുത്തു.