ചെന്നൈ: തമിഴ്‌നാട് രാഷ്ട്രീയത്തിലെ നാടകങ്ങള്‍ അവസാനിക്കുന്നില്ല. ടി.ടി.വി ദിനകര പക്ഷത്തെ 18 എം.എല്‍.എമാരെ സ്പീക്കര്‍ അയോഗ്യരാക്കിയതാണ് നാടകത്തിലെ പുതിയ അധ്യായം.

ശശികലയെ ഒതുക്കിയതില്‍ പ്രതിഷേധിച്ച് സര്‍ക്കാറിനെ താഴെയിറക്കുമെന്ന ദിനകരന്റെ ഭീഷണിക്കു തൊട്ടു പിന്നാലെയാണ് സ്പീക്കറുടെ നടപടി.

മുഖ്യമന്ത്രി പളനിസ്വാമിയില്‍ വിശ്വാസമില്ലെന്നു കാണിച്ച് ഗവര്‍ണര്‍ക്ക് കത്ത് നല്‍കിയവരാണ് ഇവര്‍. നേരത്തെ വിപ്പ് ലംഘിച്ചെന്ന പരാതിയില്‍ സ്പീക്കര്‍ ഇവരോട് വിശദീകരണം ആവശ്യപ്പെട്ടിരുന്നു. ഇതിന് പിന്നാലെയാണ് നടപടി.