ന്യൂഡല്‍ഹി: അല്‍ ഖായിദ പ്രവര്‍ത്തകനെന്നു സംശയിക്കുന്നയാള്‍ ഡല്‍ഹിയില്‍ പിടിയില്‍. ഷൗമാന്‍ ഹഖ് എന്ന 27 കാരനെയാണ് ഡല്‍ഹി പൊലിസിന്റെ പ്രത്യേക സെല്‍ അറസ്റ്റ് ചെയ്തത്.

അഡീഷണല്‍ സെഷന്‍ ജഡ്ജിനു മുമ്പാകെ ഹാജരാക്കിയ ഇയാളെ പ്രത്യേക സെല്ലിന്റെ കസ്റ്റഡിയില്‍ വിട്ടു. ഈ മാസം 30 വരെ ഇവരുടെ കസ്റ്റഡിയിലായിരിക്കും.

കഴിഞ്ഞ മാസവും രണ്ടു പേരെ അല്‍ഖായിദ ബന്ധം ആരോപിച്ച് അറസ്റ്റ് ചെയ്തിരുന്നു. ഓഗസ്റ്റ് ഒന്‍പതിന് 29 കാരന്‍ സയ്യിദ് മുഹമ്മദ് സിഷാനെയും ഓഗസ്റ്റ് ഒന്നിന് 25 കാരന്‍ റജാഉല്‍ അഹമ്മദിനെയുമാണ് അറസ്റ്റ് ചെയ്തത്.