മലപ്പുറം: സുന്നി യുവജന സംഘം പഞ്ചായത്ത് ആമില റഈസുമാര്‍ക്കുള്ള ട്രെയ്‌നിങ് സമാപിച്ചു. പുതുപ്പറമ്പ് ബയാനുല്‍ ഇസ്്‌ലാം മദ്‌റസയില്‍ നടന്ന ക്യാംപ് പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്തു. കെ.ടി മൊയ്തീന്‍ ഫൈസി തുവ്വൂര്‍ അധ്യക്ഷനായി. സയ്യിദ് കെ.കെ.എസ് തങ്ങള്‍ വെട്ടിച്ചിറ പതാക ഉയര്‍ത്തി. 'പുതുപ്പറമ്പിലെ മഹാന്മാര്‍' അബ്ദുസ്സമദ് പൂക്കോട്ടൂരൂം 'ആമില; നേതൃഗുണങ്ങള്‍' ഹസന്‍ സഖാഫി പൂക്കോട്ടൂരും 'ആമില; പ്രവര്‍ത്തനലക്ഷ്യം' ഹംസ റഹ്്മാനി കൊണ്ടിപ്പറമ്പും അവതരിപ്പിച്ചു.
സി.എച്ച് ത്വയ്യിബ് ഫൈസി ത്രൈമാസ കര്‍മപദ്ധതി അവതരിപ്പിച്ചു.
അബ്ദുറഹീം ചുഴലി ചര്‍ച്ചക്ക് ആമുഖം നല്‍കി. സി അബ്ദുല്ല മൗലവി, സി.എം കുട്ടി സഖാഫി, അബ്ദുല്‍ ഖാദിര്‍ മുസ്‌ലിയാര്‍ പൊട്ടിക്കല്ല് ചര്‍ച്ചക്ക് നേതൃത്വം നല്‍കി. കെ.എ റഹ്മാന്‍ ഫൈസി, അബ്ദുല്‍ ഖാദിര്‍ ഫൈസി കുന്നുംപുറം, സയ്യിദ് ബി.എസ്.കെ തങ്ങള്‍, സലീം എടക്കര, ശാഫി മാസ്റ്റര്‍ ആലത്തിയൂര്‍ കെ.എം കുട്ടി എടക്കുളം, അബ്ദുല്‍ അസീസ് ദാരിമി, പി.കെ ലത്തീഫ് ഫൈസി, സി.കെ ഹിദായത്തുല്ല, അബ്ദുല്‍ മജീദ് ദാരിമി വളരാട്, ചെമ്മല നാണി ഹാജി, ശറഫുദ്ദീന്‍ എടവണ്ണ, ഒ.കെ.എം കുട്ടി ഉമരി, ഒ.എം.എസ് തങ്ങള്‍ മേലാറ്റൂര്‍, കെ.പി ചെറീത് ഹാജി, നാലകത്ത് കുഞ്ഞിപ്പോക്കര്‍, കെ.വി ബീരാന്‍ മാസ്റ്റര്‍, കെ.എസ് ഇബ്രാഹീം മുസ്്‌ലിയാര്‍, ശമീര്‍ ഫൈസി ഒടമല, ഒറ്റകത്ത് അബ്ദു ഹാജി, മുഹമ്മദലി പുതുപ്പറമ്പ്, റാഫി പുതുപ്പറമ്പ് പ്രസംഗിച്ചു.