ജിദ്ദ: അല്ലാഹുവിന്റെ അതിഥികളായ ഹാജിമാര്‍ക്ക് കെഎംസിസി വളണ്ടിയര്‍മാര്‍ നല്‍കുന്ന സേവനം വിലമതിക്കാനവാത്തതാണെന്നു കോട്ടക്കല്‍ മണ്ഡലം മുസ്‌ലിം ലീഗ് വൈസ് പ്രെസിടെന്റും മാറാക്കര ഗ്രാമ പഞ്ചായത്ത് മുന്‍ പ്രസിഡന്റുമായ മൂര്‍ക്കത്ത് ഹംസ മാസ്റ്റര്‍ അഭിപ്രായപ്പെട്ടു.

പ്രവാസ ജീവിത തിരക്കിനിടയില്‍ ലഭിക്കുന്ന പെരുന്നാള്‍ അവധി ആഘോഷങ്ങള്‍ മാറ്റി വെച്ച് ഹാജിമാര്‍ക്ക് സേവനം ചെയ്യാനുള്ള ഹജ്ജ് വളണ്ടിയര്‍മാരുടെ മാനസികാവസ്ഥയെ അഭിനന്ദിക്കാന്‍ വാക്കുകളില്ലെന്നും ഹാജിമാര്‍ തങ്ങളുടെ പ്രാര്‍ത്ഥനയില്‍ വളണ്ടിയര്‍മാരെ എപ്പോഴും ഉള്‍പ്പെടുത്തുമെന്നും അദ്ദേഹം പറഞ്ഞു. വളന്റിയര്മാര്ക്ക് ആവശ്യമായ എല്ലാ പരിശീലനങ്ങളും നല്‍കി ഹജ്ജ് സേവനത്തിനു അയക്കുന്ന കെ എം സി സി നേതൃത്വത്തെ അദ്ദേഹം അഭിനന്ദിച്ചു.

ജിദ്ദ കെ എം സി സി കോട്ടക്കല്‍ മണ്ഡലം കമ്മിറ്റി സംഘടിപ്പിച്ച കോട്ടക്കല്‍ മണ്ഡലത്തില്‍ നിന്നും ഹജ്ജ് സേവനത്തിനു പോയ കെ എം സി സി വളണ്ടിയര്‍മാരെ അനുമോദിക്കുന്ന പരിപാടിയില്‍ അതിഥിയായി പങ്കെടുത്ത സംസാരിക്കുകയായിരുന്നു അദ്ദേഹം. ജിദ്ദ കെ എംസിസി സെന്‍ട്രല്‍ കമ്മിറ്റി പ്രസിഡന്റ് അഹ്മദ് പാളയാട്ട് ഉത്ഘാടനം ചെയ്തു. സെന്‍ട്രല്‍ കമ്മിറ്റി ജനറല്‍ സെക്രെട്ടറി അബുബക്കര്‍ അരിമ്പ്ര മുഖ്യ പ്രഭാഷണം നടത്തി. ഒക്ടോബര്‍ രണ്ടിന് കോട്ടക്കലില്‍ വെച്ച് നടക്കുന്ന പ്രവാസി കുടുംബ സംഗമം 'മവദ്ദ 2017' പ്രഖ്യാപനം ജാഫര്‍ വാഫി വളാഞ്ചേരി നിര്‍വഹിച്ചു.

സി. കെ. റസാഖ് മാസ്റ്റര്‍, വി. പി മുസ്തഫ, വി.പി.ഉനൈസ്, മജീദ് അരിമ്പ്ര, പി. സി. എ. റഹ്മാന്‍ , നാണി ഇസ്ഹാഖ്, റാഫി വളാഞ്ചേരി തുടങ്ങിയവര്‍സംസാരിച്ചു.