ലണ്ടന്‍: കിഴക്കന്‍ ലണ്ടനിലെ സ്റ്റാറ്റ്‌ഫോഡിലുണ്ടായ ആസിഡ് ആക്രമണത്തില്‍ ആറുപേര്‍ക്കു പരുക്കേറ്റു. ശനിയാഴ്ച രാത്രിയാണ് ആക്രമണമുണ്ടായത്.
രണ്ടു സംഘങ്ങള്‍ തമ്മിലുണ്ടായ തര്‍ക്കമാണ് ആസിഡ് ആക്രമണത്തില്‍ കലാശിച്ചത്. പരുക്കേറ്റവരെ വിദഗ്ധ ചികിത്സയ്ക്കായി ആശുപത്രിയിലേക്കു മാറ്റി. സംഭവവുമായി ബന്ധപ്പെട്ട് 15കാരനെ പൊലിസ് അറസ്റ്റു ചെയ്തിട്ടുണ്ട്.
പരസ്പര തര്‍ക്കത്തിനിടെ 15കാരന്‍ ആസിഡ് ആക്രമണം നടത്തുകയായിരുന്നു. വെസ്റ്റ്ഫീല്‍ഡ് ഷോപിങ് സെന്റര്‍, ഒളിംപിക് പാര്‍ക്ക് എന്നിവിടങ്ങളിലുണ്ടായിരുന്ന നിരപരാധികളും ആക്രമണത്തിനിരയായവരിലുണ്ടെന്ന് പൊലിസ് പറഞ്ഞു.