റാഞ്ചി: ജാര്‍ഖണ്ഡില്‍ അനധികൃത പടക്കശാലയിലുണ്ടായ സ്‌ഫോടനത്തില്‍ മരിച്ചവരുടെ എണ്ണം അഞ്ചായി. എട്ടുപേര്‍ക്ക് പരുക്കേറ്റതായും പൊലിസ് അറിയിച്ചു.
ജാര്‍ഖണ്ഡിലെ ഈസ്റ്റ് സിങ്ഭം ജില്ലയിലെ കുമാര്‍ദുബി ഗ്രാമത്തില്‍ ഒരു വീട് കേന്ദ്രീകരിച്ചുള്ള പടക്ക നിര്‍മാണ ശാലയിലാണ് സ്‌ഫോടനമുണ്ടായത്. കഴിഞ്ഞ ഞായറാഴ്ച വൈകുന്നേരത്തോടെയായിരുന്നു സ്‌ഫോടനമുണ്ടായത്.
ഉത്സവാഘോഷങ്ങള്‍ക്കായി പടക്കമുണ്ടാക്കുന്നതിനിടയിലാണ് സ്‌ഫോടനമുണ്ടായതെന്ന് പൊലിസ് അറിയിച്ചു. പരുക്കേറ്റവര്‍ ആശുപത്രിയില്‍ ചികിത്സയിലാണ്. ഇവരില്‍ രണ്ടുപേരുടെ നില ഗുരുതരമാണ്.