കോഴിക്കോട്: കവി പി.ടി അബ്ദുറഹ്മാന്‍ പുരസ്‌കാരം മാപ്പിളപ്പാട്ടു രംഗത്തെ സമഗ്ര സംഭാവനകള്‍ പരിഗണിച്ച് വി.എം കുട്ടിക്ക് നല്‍കും. എഫാസ് വടകര ഭാരവാഹികള്‍ വാര്‍ത്താസമ്മേളനത്തിലാണ് ഇക്കാര്യം അറിയിച്ചത്. പതിനായിരം രൂപയും പ്രശസ്തി പത്രവും അടങ്ങുന്ന അവാര്‍ഡ് 30ന് വടകര ടൗണ്‍ഹാളില്‍ നടക്കുന്ന ചടങ്ങില്‍ നല്‍കും. ആലങ്കോട് ലീലാകൃഷ്ണന്‍,വി.ടി മുരളി എന്നിവരടങ്ങുന്ന സമിതിയാണ് അവാര്‍ഡ് ജേതാവിനെ തിരഞ്ഞെടുത്തത്.
പരിപാടിയോടനുബന്ധിച്ച് പഴയകാല ഗായകരെ ആദരിക്കുന്ന ചടങ്ങും നടക്കും. എം.പി അബ്ദു സമദ് സമദാനി പി.ടി അനുസ്മരണം നടത്തും. ടി.കെ ഹംസ പങ്കെടുക്കും. പ്രമുഖ ഗായകരുടെ ഇശല്‍ രാവും അരങ്ങേറും. വാര്‍ത്താ സമ്മേളനത്തില്‍ വി.ടി മുരളി, ടി.വി.എ ജലീല്‍,മോഹനന്‍ മണലില്‍, എം.റഫീഖ്, എന്‍. ചന്ദ്രന്‍ പങ്കെടുത്തു.