ന്യൂഡല്‍ഹി: പ്രധാനമന്ത്രി നരേന്ദ്ര മോദി പ്രഖ്യാപിച്ച സൗഭാഗ്യ പവര്‍ പദ്ധതി തട്ടിപ്പാണെന്ന് കോണ്‍ഗ്രസ്. രാജ്യത്ത് 24 മണിക്കൂറും വൈദ്യുതിയെന്ന ലക്ഷ്യവുമായാണ് സൗഭാഗ്യ പവര്‍ പദ്ധതി മോദി അവതരിപ്പിച്ചത്. വൈദ്യുതിയില്ലാത്തവര്‍ക്കെല്ലാം വൈദ്യുതിയെന്ന പദ്ധതി യു.പി.എ സര്‍ക്കാര്‍ നടപ്പാക്കി വന്നതാണ്. രാജിവ് ഗാന്ധി വൈദ്യുതീകരണ പദ്ധതിയെന്ന പേരിലായിരുന്നു യു.പി.എ സര്‍ക്കാര്‍ ഇത് നടപ്പാക്കിയത്. എന്നാല്‍ ഇതിന്റെ പേര് മാറ്റി മോദി സ്വന്തം പദ്ധതിയെന്ന പേരില്‍ അവതരിപ്പിക്കുകയാണ് ചെയ്തിരിക്കുന്നതെന്ന് എ.ഐ.സി.സി വക്താവ് ഗൗരവ് ഗൊഗോയി ആരോപിച്ചു. മറ്റുപല പദ്ധതികളുമെന്ന പോലെ പേരുമാറ്റി ജനങ്ങളെ കബളിപ്പിക്കുകയാണ് മോദി ചെയ്യുന്നതെന്നും അദ്ദേഹം പരിഹസിച്ചു.