മലപ്പുറം: പ്രതിഭ ഗ്രന്ഥശാലയുടെ പ്രഥമ ടി.പി ജയചന്ദ്രന്‍ സ്മാരക സംസ്ഥാന ചെറുകഥാ അവാര്‍ഡിന് മധു തൃപ്പെരുന്തുറ അര്‍ഹനായി.
മലപ്പുറം പ്രസ്‌ക്ലബ്ബില്‍ നടന്ന ചടങ്ങില്‍ കഥാകൃത്ത് പി. സുരേന്ദ്രനാണ് അവാര്‍ഡ് പ്രഖ്യാപനം നടത്തിയത്.
ആധി എന്ന ചെറുകഥയാണ് മധുവിനെ അവാര്‍ഡിന് അര്‍ഹനാക്കിയത്. മുഹാജിര്‍ കരുളായിയുടെ നാളി എന്ന കഥ ജൂറിയുടെ പ്രത്യേക പരാമര്‍ശത്തിന് അര്‍ഹമായി. ചെന്നിത്തല മഹാത്മ ഹയര്‍ സെക്കന്‍ഡറി സ്‌കൂളിലെ മലയാളം അധ്യാപകനാണ്.
വായനശാലയുടെ 45ാം വാര്‍ഷികത്തില്‍ അവാര്‍ഡ് വിതരണം ചെയ്യുമെന്ന് ജൂറി അംഗങ്ങളായ കഥാകൃത്ത് പി. സുരേന്ദ്രന്‍, രാജന്‍ കരുവാരക്കുണ്ട്, സി. അബ്ദുറഷീദ്, ടി.പി മണി എന്നിവര്‍ വാര്‍ത്താസമ്മേളനത്തില്‍ പറഞ്ഞു.