റിയോ ഡി ജനീറോ: ഒളിംപിക് പുരുഷ ഹോക്കിയില്‍ കാനഡയ്‌ക്കെതിരായ മത്സരത്തോടെ ഇന്ത്യയുടെ ഗ്രൂപ്പ് ഘട്ട മത്സരങ്ങള്‍ അവസാനിച്ചു. മത്സരത്തില്‍ ഇരു ടീമുകളും രണ്ടു വീതം ഗോള്‍ നേടി സമനിലയില്‍ പിരിഞ്ഞു. നേരത്തെ അര്‍ജന്റീന-ജര്‍മനി മത്സരം സമനിലയായതോടെ ഇന്ത്യ ക്വാര്‍ട്ടറിലേക്ക് മുന്നേറിയിരുന്നു.
തുടക്കം മുതല്‍  കളം നിറഞ്ഞു കളിച്ച ഇന്ത്യയെ അവസാന നിമിഷം നേടിയ ഗോളിലാണ് കാനഡ സമനിലയില്‍ തളച്ചത്. സ്‌കോട്ട് ട്യൂപര്‍ കാനഡയ്ക്കായി ഇരട്ട ഗോള്‍ നേടി. ഇന്ത്യക്കായി ആകാശ് ദീപ് സിങ്, രമണ്‍ദീപ് സിങ് എന്നിവര്‍ ഇന്ത്യക്കായി സ്‌കോര്‍ ചെയ്തു.