ബംഗളുരു: വെള്ളക്കടുവകളുടെ ആക്രമണത്തില്‍ മൃഗശാലാ സൂക്ഷിപ്പുകാരന്‍ കൊല്ലപ്പെട്ടു. ബംഗളുരു ബന്നാര്‍ഘട്ട് നാഷണല്‍ പാര്‍ക്കിലെ മൃഗശാലാ സൂക്ഷിപ്പുകാരനായ ആഞ്ജനേയ(40) ആണ് കൊല്ലപ്പെട്ടത്. ശനിയാഴ്ച്ച രാവിലെ 5.45 നായിരുന്നു സംഭവം.

ഭക്ഷണം നല്‍കാനായി കൂടിനകത്തു കടന്ന ആഞ്ജനേയനെ രണ്ട് കടുവകള്‍ ചേര്‍ന്ന് ആക്രമിക്കുകയായിരുന്നു. ഗുരുതര പരുക്കുകളോടെ ഇയാളെ ആശുപത്രിയിലെത്തിച്ചെങ്കിലും രക്ഷിക്കാനായില്ല.