ഗന്ധേര്‍ബല്‍: അനുവാദമില്ലാതെ യുവതിയുടെ ഫോട്ടോ എടുത്ത പൊലിസുകാരനെ നാട്ടുകാര്‍ കെട്ടിയിട്ട് മര്‍ദിച്ചു. കശ്മിരിലെ ഗന്ധേര്‍ബല്‍ ജില്ലയിലാണ് സംഭവം. ഇയാള്‍ക്കെതിരേ പൊലിസ് കേസ് രജിസ്റ്റര്‍ ചെയ്തു. ഗന്ധേര്‍ബല്ലിലെ മണിഗാം ബൈപാസിനടുത്ത് നില്‍ക്കുകയായിരുന്ന യുവതിയുടെ ചിത്രം പൊലിസ് ഉദ്യോഗസ്ഥന്‍ അനുവാദമില്ലാതെ പകര്‍ത്തിയെന്നാണ് ആരോപണം. ഫോട്ടോ എടുക്കുന്നത് ശ്രദ്ധയില്‍ പെട്ട സ്ത്രീ ബഹളം വച്ചതിനെ തുടര്‍ന്ന് ഓടിക്കൂടിയ നാട്ടുകാരാണ് പൊലിസുകാരനെ കെട്ടിയിട്ട് മര്‍ദിച്ചത്. ഇയാളെ പിന്നീട് അറസ്റ്റ് ചെയ്തു.