ലഖ്‌നൗ: ആര്‍.എസ്.എസ് പ്രവര്‍ത്തകനെ ബൈക്കിലെത്തിയ രണ്ടംഗ സംഘം വെടിവച്ചു കൊന്നു. ഹിന്ദി പത്രമായ ദൈനിക് ജാഗരണിന്റെ പ്രാദേശിക ലേഖകന്‍കൂടിയായ രാജേഷ് മിശ്ര(35)യാണ് കൊല്ലപ്പെട്ടത്. ഉത്തര്‍പ്രദേശിലെ ഗാസിപൂര്‍ ജില്ലയിലെ ബ്രഹ്മപുര ഗ്രാമത്തില്‍ ഇന്നലെ രാവിലെ ഏഴോടെയായിരുന്നു സംഭവം. നിര്‍മാണ സാധനങ്ങള്‍ വില്‍ക്കുന്ന തന്റെ സ്ഥാപനത്തില്‍ വച്ചാണ് അജ്ഞാത സംഘം വെടിവച്ചത്.
ആക്രമണത്തില്‍ ഇയാളുടെ സഹോദരന്‍ അമിതേഷ് മിശ്രയ്ക്ക് പരുക്കേറ്റതായി പൊലിസ് അറിയിച്ചു. ഇയാളുടെ ആരോഗ്യ സ്ഥിതി ഗുരുതരമാണെന്നാണ് വിവരം. അക്രമത്തിന്റെ കാരണമെന്താണെന്ന് വ്യക്തമായിട്ടില്ലെന്നും പ്രതികള്‍ക്കായി അന്വേഷണം തുടങ്ങിയതായും പൊലിസ് അറിയിച്ചു.