മൂത്തേടം: വട്ടപ്പാട്ടിലൂടെ ലഹരിക്കെതിരേ ബോധവല്‍ക്കരണം നടത്തി വിദ്യാര്‍ഥികള്‍. മൂത്തേടം ഗവ. ഹയര്‍ സെക്കണ്ടന്‍ഡറി സ്‌കൂള്‍ നാഷനല്‍ സര്‍വിസ് സ്‌കീം വളണ്ട@ിയര്‍മാരാണ് വട്ടപ്പാട്ടിലൂടെ ലഹരിക്കെതിരായ വേറിട്ട ബോധവല്‍ക്കരണം നടത്തി മാതൃകയായത്.
എടക്കര പുതിയ ബസ് സ്റ്റാന്‍ഡിലായിരുന്നു വിദ്യാര്‍ഥികളുടെ പ്രകടനം. ലഹരി വിരുദ്ധ പ്രതിജ്ഞ ചൊല്ലുകയും ലഹരി വിരുദ്ധ സന്ദേശം ഉള്‍ക്കൊള്ളുന്ന നോട്ടിസുകള്‍ വിതരണം ചെയ്യുകയും ചെയ്തു. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ എന്‍.അശോകന്‍, പ്രോഗ്രാം ഓഫിസര്‍ മുഹമ്മദ് റസാക്ക് സംസാരിച്ചു. പ്രിവന്റീവ് ഓഫിസര്‍മാരായ സുരേഷ്, യൂസഫലി, ബിജു എബ്രഹാം, വള@ണ്ടിയര്‍മാരായ ആഷിക്ക്, ഷാമില്‍, ബബിത, ആതിര, മേഘ, അമൃത, അനുജ, അന്‍ഷാഫ്, റിബിന്‍, മിന്‍ഹാജ്, ഹര്‍ഷിദ്, സാലിം, തസ്‌ലീം, മിദ്‌ലാജ്, അജ്മല്‍ നേതൃത്വം നല്‍കി.