കോഴിക്കോട്: ജില്ലയില്‍ മലയോര മേഖലയിലെ ആറു മണ്ഡലങ്ങളിലൂടെ ഗെയില്‍ വാതക പൈപ്പ്‌ലൈന്‍ സ്ഥാപിക്കുമ്പോള്‍ ജനവാസ കേന്ദ്രങ്ങളെ ഒഴിവാക്കണമെന്ന് മുസ്‌ലിം ലീഗ് ജില്ലാ പ്രവര്‍ത്തകസമിതി ആവശ്യപ്പെട്ടു.
ധാരാളം വീടും സ്ഥലവും നൂറുകണക്കിനു കാര്‍ഷിക ഭൂമിയും ഫലവൃക്ഷങ്ങളും നശിപ്പിച്ചും ആവാസവ്യവസ്ഥ തകര്‍ത്തും ഗെയില്‍ അധികൃതര്‍ മുന്നേറുമ്പോള്‍ തടയേണ്ട പൊലിസും ഭരണകൂടവും അവരുടെ പിണയാളുകളായി മാറുന്ന കാഴ്ച അപലപനീയമാണ്. ഇരകളെ കേള്‍ക്കാന്‍ പോലും തയാറാകാതെയുള്ള ഏകപക്ഷീയ നടപടികള്‍ സര്‍ക്കാരും ഗെയില്‍ അധികൃതരും നിര്‍ത്തിവയ്ക്കണമെന്നും യോഗം ആവശ്യപ്പെട്ടു.
ഉമര്‍ പാണ്ടികശാല അധ്യക്ഷനായി. എന്‍.സി അബൂബക്കര്‍, പാറക്കല്‍ അബ്ദുല്ല എം.എല്‍.എ, എം.എ റസാഖ്, വി.എം ഉമര്‍, പി. ശാദുലി, പി. അമ്മദ്, കെ.എ ഖാദര്‍, സി.പി ചെറിയ മുഹമ്മദ്, എം.എ മജീദ്, അഹ്മദ്കുട്ടി ഉണ്ണികുളം, ഇബ്രാഹിം എളേറ്റില്‍, സി.കെ.വി യൂസുഫ്, നജീബ് കാന്തപുരം, സൂപ്പി നരിക്കാട്ടേരി, വി.പി ഇബ്രഹിംകുട്ടി, അഹ്മദ് പുന്നക്കല്‍, റഷീദ് വെങ്ങളം, കെ. മൊയ്തീന്‍കോയ, വി.കെ ഹുസൈന്‍കുട്ടി, നൊച്ചാട്ട് കുഞ്ഞബ്ദുല്ല, പി.എം അബൂബക്കര്‍, ഒ.കെ കുഞ്ഞബ്ദുല്ല, സി.കെ മൊയ്തു, സാജിദ് നടുവണ്ണൂര്‍, ഖാലിദ് കിളിമുണ്ട, സി.ടി സക്കീര്‍ ഹുസൈന്‍, മൂസ പെരുവയല്‍, കെ.കെ ആലിക്കുട്ടി, സാജിദ് കോറോത്ത്, ടി.കെ മുഹമ്മദ്, നസീര്‍ വളയം സംസാരിച്ചു.