കാസര്‍കോട്: ചന്ദ്രഗിരി പുഴയുടെ തുരുത്തി തെക്കെ ഭാഗത്ത് തീര സംരക്ഷണത്തിന് വേണ്ടി കരിങ്കല്‍ ഭിത്തി അടിയന്തരമായി നിര്‍മിക്കണമെന്ന് കാസര്‍കോട് മുനിസിപ്പല്‍ പതിനാലാം വാര്‍ഡ് മുസ്‌ലിം ലീഗ് കമ്മിറ്റി ആവശ്യപ്പെട്ടു. ഇത് സംബന്ധമായ യോഗം ടി. എച്ച് മുഹമ്മദ് ഹാജി ഉദ്ഘാടനം ചെയ്തു. ഇ.അബ്ദുല്‍ റഹ്മാന്‍ കുഞ്ഞി മാസ്റ്റര്‍ അധ്യക്ഷനായി. കെ.എം സൈനുദ്ധീന്‍ ഹാജി, ഇബ്രാഹിം ഹാജി, ടി.എം.എ തുരുത്തി, റഷീദ് തുരുത്തി സംസാരിച്ചു.