തൃക്കരിപ്പൂര്‍: വൈദ്യുതിയുടെ കാര്യത്തില്‍ സ്വയം പര്യാപ്തത കൈവരിച്ച് തൃക്കരിപ്പൂര്‍ പഞ്ചായത്ത്.
പഞ്ചായത്ത് കെട്ടിടത്തില്‍ സോളാര്‍ പാനലുകള്‍ സ്ഥാപിച്ച് വൈദ്യുതി ഉല്‍പാദിപ്പിച്ചാണ് പഞ്ചായത്ത് കെട്ടിടത്തില്‍ വൈദ്യുതി ഉപയോഗിക്കുന്നത്.
11000 വാട്ട് കണ്‍ക്ടഡ് ലോഡുള്ള കെട്ടിടത്തില്‍ കെല്‍ട്രോണ്‍ന്റെ സാഹയത്തോടെയാണ് സോളാര്‍ പാനലും അനുബന്ധ ഉപകരണങ്ങളും സ്ഥാപിച്ചത്.
ഇതിനായി 13.2 ലക്ഷം രൂപയാണ് ചിലവ്. പഞ്ചായത്തിന്റെ അനുബന്ധ സ്ഥാപനങ്ങളായ കുടുംബശ്രീ, എല്‍.എസ്.ജി, കൃഷിഭവന്‍ എന്നീ കെട്ടിടങ്ങള്‍ക്കും വൈദ്യുതി നല്‍കുന്നുണ്ട്. മിച്ചംവരുന്ന വൈദ്യുതി കെ.എസ്.ഇ.ബിക്ക് വില്‍പന നടത്തും.
ഉല്‍പാദിപ്പിക്കുന്ന വൈദ്യുത യൂനിറ്റിന് കെ.എസ്.ഇ.ബി ഇന്‍സന്റീവ് നല്‍കും. ആഗസ്റ്റ് അവസാനത്തോടെ കെ.എസ്.ഇ.ബി ലൈനിലേക്ക് ലഭിച്ച വൈദ്യുതിയുടെ മാര്‍ക്കറ്റ് വില പഞ്ചായത്തിന് ലഭ്യമാകും.