തലപ്പുഴ: തലപ്പുഴ ജനമൈത്രി പൊലിസിന്റെ ആഭിമുഖ്യത്തില്‍ ജനസമ്പര്‍ക്ക പരിപാടിയും പരാതി അദാലത്തും സംഘടിപ്പിച്ചു.
മക്കിമല മേലെ തലപ്പുഴ കോളനി തറവാട്ടില്‍ നടന്ന പരിപാടി പഞ്ചായത്ത് വൈസ് പ്രസിഡന്റ് ഷൈമ മുരളീധരന്‍ ഉദ്ഘാടനം ചെയ്തു.
മദ്യത്തിന്റെയും ലഹരിമരുന്നിന്റെയും നിരവധി പരാതികള്‍ ചടങ്ങില്‍ ഉയര്‍ന്നുവന്നു. പരാതികളില്‍ കര്‍ശന നടപടി സ്വീകരിക്കാന്‍ ഡിവൈ.എസ്.പി ദേവസ്യ പൊലിസിന് നിര്‍ദേശം നല്‍കി. ആദിവാസി കോളനികളിലടക്കം മദ്യ മയക് മരുന്ന് ഉപഭോഗം തടയുക സ്ത്രീകള്‍ക്കും കുട്ടികള്‍ക്കുമെതിരേയുള്ള അതിക്രമം തടയുക, അത്തരം കാര്യങ്ങള്‍ കോളനിവാസികള്‍ക്ക് പറഞ്ഞ് മനസിലാക്കുക, ജനമൈത്രി പൊലിസുമായി കൂടതല്‍ സഹവര്‍ത്തിത്വം ഉണ്ടാക്കുക എന്നീ ലക്ഷ്യങ്ങളോടെയാണ് ജനസമ്പര്‍ക്ക പരിപാടി സംഘടിപ്പിച്ചത്.