റിയാദ്: കോഴിക്കോട് കുന്ദമംഗലം സ്വദേശി സഊദിയിലെ റിയാദിലെ ശഖ്‌റയില്‍ മരിച്ചു. കുന്ദമംഗലം ചൂരാംവയല്‍ അമ്പല പറമ്പില്‍ അബ്ദുല്‍ റസാഖ് (47) ആണ് അന്തരിച്ചത്. 22 വര്‍ഷമായി ശഖ്‌റയില്‍ ജോലി ചെയ്തുവരുന്ന ഇദ്ദേഹം ശഖ്‌റ കെ എം സി സി പ്രസിഡന്റ് സ്ഥാനം വഹിച്ചു വരികയായിരുന്നു. ജീവകാരുണ്യ പ്രവര്‍ത്തന രംഗത്തും സജീവ സാന്നിധ്യമായിരുന്നു.

രാവിലെ ജോലിക്കു പോകാന്‍ കൂടെയുള്ളവര്‍ വിളിച്ചപ്പോഴാണ് മരിച്ചതായി അറിയുന്നത്. രാത്രി ശാരീരിക അസ്വസ്ഥത പ്രകടിപ്പിച്ചിരുന്നുവെങ്കിലും കാര്യമാക്കിയിരുന്നില്ല. ജസീലത്താണ് ഭാര്യ. റജ, റസല്‍, റസാന്‍ എന്നിവര്‍ മക്കളാണ്. മൃതദേഹം നാട്ടിലേക്ക് കൊണ്ട് പോകാനായി ശഖ്‌റയിലുള്ള സഹോദരന്‍ ശരീഫിന് സഹായകരമായി കെ എം സി സി രംഗത്തുണ്ട്.