പയ്യന്നൂര്‍: നാലു ദിവസങ്ങളിലായി നടക്കുന്ന പയ്യന്നൂര്‍ ഉപജില്ലാ സ്‌കൂള്‍ കലോത്സവം തായിനേരി എസ്.എ.ബി.ടി.എം ഹയര്‍ സെക്കന്‍ഡറി സ്‌കൂളില്‍ പി. കരുണാകരന്‍ എം.പി ഉദ്ഘാടനം ചെയ്തു. നഗരസഭാ ചെയര്‍മാന്‍ അഡ്വ. ശശി വട്ടക്കൊവ്വല്‍ അധ്യക്ഷനായി. 12 വേദികളിലായി 287 മത്സരയിനങ്ങളില്‍ 5800ഓളം പേരാണ് മത്സരിക്കുന്നത്. നഗരസഭാ വൈസ് ചെയര്‍മാന്‍ കെ.പി ജ്യോതി, വി. ബാലന്‍, പി.വി കുഞ്ഞപ്പന്‍, വി.പി സതീശന്‍, എം.കെ ഷമീമ, എ.ഇ.ഒ രവീന്ദ്രന്‍ കാവിലെ വളപ്പില്‍, കെ.പി അബ്ദുള്‍ സലാം, കെ. സതീശന്‍, എം.ഐ നാരായണന്‍ നമ്പൂതിരി സംസാരിച്ചു.

ഉപജില്ലാ ശാസ്ത്രമേള വിജയികള്‍ക്ക് സ്വീകരണം ഉളിക്കല്‍: ഇരിക്കൂര്‍ ഉപജില്ലാ ശാസ്‌ത്രോത്സവത്തില്‍ ഉളിക്കല്‍ വയത്തൂര്‍ യു.പി സ്‌കൂളിന് ചരിത്രനേട്ടം സമ്മാനിച്ച വിദ്യാര്‍ഥികള്‍ക്ക് ഉഷ്മള സ്വീകരണം നല്‍കി. ബാന്റ് മേളങ്ങളുടെ അകമ്പടിയോടെ ഉളിക്കല്‍ ടൗണ്‍ ചുറ്റി ആഹ്ലാദ പ്രകടനം നടത്തി.
സാമൂഹ്യശാസ്ത്രമേളയില്‍ എല്‍.പി വിഭാഗത്തില്‍ ഓവറോള്‍ കിരീടം, യു.പി വിഭാഗത്തില്‍ ഫസ്റ്റ് റണ്ണേര്‍സ് അപ്പ്, ശാസ്ത്രമേളയില്‍ എല്‍.പി വിഭാഗത്തില്‍ ഓവറോള്‍ കിരീടം, യു.പി വിഭാഗത്തില്‍ സെക്കന്റ് റണ്ണേര്‍സ് അപ്പ്, ഗണിത ശാസ്ത്രമേളയിലും പ്രവൃത്തി പരിചയമേളയിലും എല്‍.പി, യു.പി വിഭാഗങ്ങളില്‍ ഫസ്റ്റ് റണ്ണേഴ്‌സ് അപ്പ് എന്നിവ നേടി. അനുമോദന യോഗം സ്‌കൂള്‍ മാനേജര്‍ ഫാ. ഫിലിപ്പ് ഇരുപ്പക്കാട്ട് ഉദ്ഘാടനം ചെയ്തു. അഹമ്മദ്കുട്ടി ഹാജി അധ്യക്ഷനായി. പ്രധാനധ്യാപകന്‍ ടി.ജെ ജോര്‍ജ്, ഗീത സെബാസ്റ്റ്യന്‍, ആര്‍. സുജി, നിഷ ദിലീപ്, അധ്യാപകരായ ഒ.എസ് ലിസി, സി.ജെ മോളി, ബിബിന്‍ മാത്യു, ജോണിക്കുട്ടി ജോസഫ്, പ്രസ്റ്റിന്‍ തോമസ് സംസാരിച്ചു. വിജയികള്‍ക്ക് ട്രോഫികള്‍ വിതരണം ചെയ്തു.