ന്യൂഡല്‍ഹി: സെര്‍വര്‍ പണിമുടക്കിയതിനെത്തുടര്‍ന്ന് ലോകത്തെ ഏറ്റവും ജനപ്രിയ സോഷ്യല്‍ മീഡിയയായ വാട്‌സ് ആപ്പ്‌  അല്‍പനേരം പണിമുടക്കി. ഇന്നു ഉച്ചയ്ക്ക് ഒരു മണിയോടെയാണ് വാട്‌സ് ആപ്പ്‌  പണിമുടക്കിയത്. രണ്ടു മണിക്കൂറിനു ശേഷമാണ് തകരാര്‍ പരിഹരിച്ചത്.

വാട്‌സ് ആപ്പില്‍ മെസേജ് അയക്കാനോ സ്വീകരിക്കാനോ ഇതുമൂലം സാധിച്ചില്ല. ഇതു മൂലം ലോകത്താകമാനമുള്ള ഉപഭോക്താക്കള്‍ വലഞ്ഞു. എന്നാല്‍, ചിലയിടങ്ങളില്‍ മാത്രമാണ് തകരാറുണ്ടായതെന്നും പറയുന്നുണ്ട്.

തുടര്‍ന്ന് ഫേസ്ബുക്കിലൂടെയും ട്വിറ്ററിലൂടെയും ആളുകള്‍ #whatsappdown എന്ന ഹാഷ് ടാഗില്‍ പോസ്റ്റ് ചെയ്തു പ്രതിഷേധമറിയിച്ചു. ഇതിനു ശേഷമാണ് പ്രശ്‌നം പരിഹരിച്ചത്.