മൂവാറ്റുപുഴ: അസോസിയേഷന്‍ ഓഫ് ഓട്ടോമൊബൈല്‍ വര്‍ക്ഷോപ്പ് കേരള മൂവാറ്റുപുഴ യൂനിറ്റ് എല്‍ദോ എബ്രഹാം എം.എല്‍.എ ക്ക് സ്വീകരണം നല്‍കി.
പുതിയ വാഹനങ്ങളുടെ സ്‌പെയര്‍ പാര്‍ട്‌സുകള്‍ പൊതു വിപണിയില്‍ ലഭ്യമാക്കുക, ഹരിത ട്രിബ്യൂണല്‍ വിധി പുനഃപരിശോധിക്കാന്‍ കേന്ദ്ര സര്‍ക്കാരില്‍ സമ്മര്‍ദ്ദം ചെലുത്തുക, ഓട്ടോമൊബൈല്‍ തൊഴിലാളികളുടെ ക്ഷേമ പദ്ധതികള്‍ ഉടന്‍ നടപ്പാക്കുക, മലിനീകരണ നിയന്ത്രണ ബോര്‍ഡിന്റെ നിയമങ്ങള്‍ ലഘൂകരിക്കുക എന്നീ ആവശ്യങ്ങള്‍ ഉന്നയിക്കുന്ന നിവേദനവും എം.എല്‍.എക്ക് നില്‍കി.
സ്വീകരണ യോഗം അസ്സോസിയേഷന്‍ സംസ്ഥാന ട്രഷറര്‍ കെ.ജി ഗോപകുമാര്‍ ഉദ്ഘാടനം ചെയ്തു. യൂനിറ്റ് പ്രസിഡന്റ് സി.എം ഷംസുദ്ദീന്‍ അധ്യക്ഷനായിരുന്നു.
ജില്ലാ ട്രഷറര്‍ വിന്‍സന്റ് പോള്‍, യൂനിറ്റ് സെക്രട്ടറി ഫെന എന്‍ പോള്‍, ട്രഷറര്‍ അലി അള്‍ട്ടിമ, എക്‌സിക്യൂട്ടീവ് സമിതി അംഗം കെ ബി അന്‍സാര്‍, ദിനില്‍ എന്നിവര്‍ സംസാരിച്ചു.