തുവ്വൂര്‍: അങ്ങാടിയില്‍ റോഡരികില്‍ നിര്‍ത്തിയിട്ട വാഹനങ്ങള്‍ക്കിടയിലേക്ക് കാര്‍ പാഞ്ഞുകയറി നാലു വാഹനങ്ങളിലിടിച്ചു. ഇടിയുടെ ആഘാതത്തില്‍ അടുത്തുള്ള ആരോഗ്യ കേന്ദ്രത്തിലേക്ക് മറ്റൊരുവാഹനം തെറിച്ചു. അപകടത്തില്‍ ഒരാള്‍ക്ക് പരുക്കേറ്റു. നിയന്ത്രണം വിട്ട വാഹനത്തിന്റെ ഡ്രൈവറായ കരുവാരകുണ്ട് കുട്ടത്തി സ്വദേശിയായ പകിടീരി നിസാറിനെയാണ് പരുക്കുകളോടെ ആശുപത്രിയില്‍ പ്രവേശിപ്പിച്ചത്. കരുവാരകുണ്ട് ഭാഗത്തുനിന്ന് വരികയായിരുന്ന കാറാണ് റോഡരികില്‍ നിര്‍ത്തിയിട്ട വാഹനങ്ങളില്‍ ഇടിച്ചത്. മൂന്നു കാറുകള്‍ക്ക് ഒരു ജീപ്പിനും കേടുപാടുകള്‍ സംഭവിച്ചു. ആളുകള്‍ ഇല്ലാത്തതിനാല്‍ വന്‍ ദുരന്തം ഒഴിവായത്.