കോഴിക്കോട്: എട്ടാമത് സംസ്ഥാന തുടര്‍വിദ്യാഭ്യാസ കലോത്സവത്തിന്റെ സ്വാഗതസംഘം ഓഫിസ് കോഴിക്കോട് സിവില്‍സ്റ്റേഷനില്‍ ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു. ആരോഗ്യ-വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ മുക്കം മുഹമ്മദ് അധ്യക്ഷനായി.
സ്വാഗതസംഘം ജോ. കണ്‍വീനര്‍ ഷാജു ജോണ്‍, ജില്ലാ പഞ്ചായത്ത് വൈസ് പ്രസിഡന്റ് റീന മുണ്ടേങ്ങാട്ട്, ജില്ലാ പഞ്ചായത്ത് ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സന്‍ സുജാത മനക്കല്‍, ജില്ലാ പഞ്ചായത്ത് അംഗങ്ങളായ അഹമ്മദ് പുന്നക്കല്‍, അന്നമ്മ മാത്യു, ജില്ലാ പഞ്ചായത്ത് സെക്രട്ടറി പി.ഡി ഫിലിപ്പ്, ജില്ലാ സാക്ഷരതാ സമിതിയംഗം മദനമാധവന്‍, ജില്ലാ ഇന്‍ഫര്‍മേഷന്‍ ഓഫിസര്‍ കെ.ടി ശേഖര്‍, ജില്ലാ പഞ്ചായത്ത് ഫിനാന്‍സ് ഓഫിസര്‍ ടി. പാര്‍ഥസാരഥി, ജില്ലാ സാക്ഷരതാ മിഷന്‍ അസി. കോഡിനേറ്റര്‍ എസ്. അജിത്ത് കുമാര്‍, നന്മണ്ട നോഡല്‍ പ്രേരക് കെ. മോഹനന്‍ സംസാരിച്ചു. ജില്ലാ സാക്ഷരതാ മിഷന്‍ കോഡിനേറ്റര്‍ എം.ഡി വല്‍സല സ്വാഗതവും അസി. കോഡിനേറ്റര്‍ പി.പി സിറാജ് നന്ദിയും പറഞ്ഞു.