വാഷിങ്ടണ്‍: അമേരിക്കന്‍ മുന്‍പ്രസിഡന്റ് ബരാക് ഒബാമ ഡിസംബര്‍ ഒന്നിന് ഇന്ത്യയിലെത്തും. ഒബാമ ഫൗണ്ടേഷന്‍ സംഘടിപ്പിക്കുന്ന പരിപാടിയില്‍ പങ്കെടുക്കാനാണ് ഒബാമ ഇന്ത്യയിലെത്തുന്നത്.

ന്യൂഡല്‍ഹി ടൗണ്‍ഹാളിലാണ് പരിപാടി നടക്കുക. സമൂഹത്തിന്റെ പുരോഗതിയ്ക്കും വളര്‍ച്ചയ്ക്കും വേണ്ടി പ്രവര്‍ത്തിക്കുന്ന യുവാക്കളെ നേരില്‍ കണ്ട് സംവദിക്കുന്നതിനും അവരുടെ ആശയങ്ങള്‍ മനസിലാക്കുന്നതിനും വേണ്ടിയാണ് പരിപാടി സംഘടിപ്പിക്കുന്നത്. ഇന്ത്യാ സന്ദര്‍ശന വിവരം ഒബാമ തന്നെ ട്വിറ്ററില്‍ പങ്കുവെച്ചിട്ടുണ്ട്.