ചേളാരി: സമസ്ത കേരള സുന്നി ബാലവേദി സംസ്ഥാന കൗണ്‍സില്‍ മീറ്റ് നാളെ രാവിലെ 9.30ന് ചേളാരി സമസ്താലയത്തില്‍ നടക്കും. സമസ്ത ട്രഷറര്‍ സി.കെ.എം സ്വാദിഖ് മുസ്‌ലിയാര്‍ ഉദ്ഘാടനം ചെയ്യും. സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ് തങ്ങള്‍ അധ്യക്ഷനാകും.
പാണക്കാട് സയ്യിദ് മുഈനലി ശിഹാബ് തങ്ങള്‍, പാണക്കാട് സയ്യിദ് റാജിഅ് അലി ശിഹാബ് തങ്ങള്‍, കെ. മോയിന്‍കുട്ടി മാസ്റ്റര്‍, എം.എ ചേളാരി, അബ്ദുറഹ്മാന്‍ മുസ്‌ലിയാര്‍ കൊടക്, കെ.ടി ഹുസൈന്‍കുട്ടി മുസ്‌ലിയാര്‍, അബ്ദുല്‍ ഖാദര്‍ അല്‍ ഖാസിമി, ശഫീഖ് മണ്ണഞ്ചേരി, അഫ്‌സല്‍ രാമന്തളി സംബന്ധിക്കും. തെരഞ്ഞെടുക്കപ്പെട്ട സംസ്ഥാന കൗണ്‍സിലര്‍മാരും ജില്ലാ ഭാരവാഹികളും പങ്കെടുക്കുന്ന കൗണ്‍സില്‍ മീറ്റില്‍ വാര്‍ഷിക പ്രവര്‍ത്തക അവലോകനം, കര്‍മപദ്ധതി രൂപീകരണം, വിഷന്‍ 2018 പ്രൊജക്ട് അവതരണം, സമാപന സംഗമം എന്നിവ നടക്കും.
മീറ്റില്‍ മുഴുവന്‍ സംസ്ഥാന കൗണ്‍സിലര്‍മാരും കൃത്യസമയത്ത് തന്നെ പങ്കെടുക്കണമെന്ന് സംസ്ഥാന ജന.കണ്‍വീനര്‍ അഫ്‌സല്‍ രാമന്തളി അറിയിച്ചു.