ലോകത്തെ അഞ്ചിലൊരു സ്ത്രീയും ഓണ്‍ലൈനിലൂടെ ശല്യപ്പെടുത്തലിന് വിധേയമാവുന്നുവെന്ന് പഠനം. 4000 സ്ത്രീകള്‍ക്കിടയില്‍ ആംനസ്റ്റി ഇന്റര്‍നാഷണല്‍ നടത്തിയ പഠനത്തിലാണ് ഇക്കാര്യം വ്യക്തമാക്കുന്നത്.

സോഷ്യല്‍ മീഡിയയിലൂടെ അധിക സ്ത്രീകളും ശല്യപ്പെടുത്തലിന് വിധേയമാവുന്നത്. ലൈംഗികതയോ സ്ത്രീ വിരുദ്ധമോ ആയ പീഡനങ്ങളാണ് പകുതി സ്ത്രീകളും ഓണ്‍ലൈനിലൂടെ അനുഭവിക്കുന്നത്. കാല്‍ഭാഗം സ്ത്രീകള്‍ക്ക് ശാരീരിക, ലൈംഗിക ഭീഷണി നേരിടുന്നുവെന്നും റിപ്പോര്‍ട്ടിലുണ്ട്.

60 ശതമാനം പീഡനവും വംശീയവും ലൈംഗികതയും നിറഞ്ഞതായിരിക്കും. വിരട്ടലിന്റെയും വിഷമയത്തിന്റെയും ഇടമാണ് അധിക സ്ത്രീകള്‍ക്കും ഇന്റര്‍നെറ്റ്. സോഷ്യല്‍ മീഡിയാ പ്ലാറ്റ്‌ഫോമില്‍ സ്ത്രീകള്‍ക്കേല്‍ക്കുന്ന പീഡനം രഹസ്യമൊന്നുമല്ല. പക്ഷെ, സ്ത്രീകളെ ലക്ഷ്യം വച്ചുള്ള ആക്രമണങ്ങളിലേക്ക് വിരല്‍ ചൂണ്ടുകയാണ് പഠനമെന്ന് ആംനസ്റ്റ് ഗവേഷക അസ്മിന ധ്രോഡിയ പറഞ്ഞു.

ഓണ്‍ലൈന്‍ ശല്യപ്പെടുത്തലിന് വിധേയമായ സ്ത്രീകളില്‍ 41 ശതമാനം പേരും ദൈനംദിന ജീവിതത്തില്‍ സുരക്ഷാ ഭീഷണി നേരിടുന്നു. കുടുംബത്തിലും ഭീഷണി നേരിടുന്നുവെന്നും റിപ്പോര്‍ട്ടില്‍ പറയുന്നു.