കോഴിക്കോട്: താനൂര്‍ ഉണ്യാലില്‍ നബിദിന ഘോഷയാത്രയ്ക്കു നേരേ നടന്ന അക്രമത്തില്‍ ഗുരുതരമായി പരുക്കേറ്റ് കോഴിക്കോട്ടെ സ്വകാര്യ ആശുപത്രിയില്‍ ചികിത്സയില്‍ കഴിയുന്ന പുത്തന്‍പുരയില്‍ അന്‍സാറിനെ സമസ്ത നേതാക്കള്‍ സന്ദര്‍ശിച്ചു. കോഴിക്കോട് ഖാസിയും എസ്.വൈ.എസ് സംസ്ഥാന ജനറല്‍സെക്രട്ടറിയുമായ സയ്യിദ് മുഹമ്മദ് കോയ തങ്ങള്‍ ജമലുല്ലൈലി, സമസ്ത ലീഗല്‍സെല്‍ ചെയര്‍മാന്‍ പി.എ ജബ്ബാര്‍ ഹാജി, സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് മാനേജര്‍ കെ. മോയിന്‍കുട്ടി, സി.പി ഇഖ്ബാല്‍ എന്നിവര്‍ സംഘത്തിലുണ്ടായിരുന്നു.