ബയേണ്‍ മ്യൂണിക്ക്-പി.എസ്.ജി

മ്യൂണിക്ക്: യുവേഫ ചാംപ്യന്‍സ് ലീഗില്‍ ഇന്ന് സൂപ്പര്‍ പോരാട്ടങ്ങള്‍. സുപ്രധാന പോരാട്ടങ്ങള്‍ക്കായി ബാഴ്‌സലോണ, ബയേണ്‍ മ്യൂണിക്ക്, മാഞ്ചസ്റ്റര്‍ യുനൈറ്റഡ്, ചെല്‍സി യുവന്റസ് ടീമുകള്‍ കളത്തിലിറങ്ങും.
ഇതില്‍ ജര്‍മന്‍ വമ്പന്‍മാരായ ബയേണ്‍ മ്യൂണിക്കിനാണ് ഏറ്റവും കടുപ്പമേറിയ മത്സരം. പി.എസ്.ജിയാണ് ബയേണിന് എതിരാളി. നേരത്തെ എതിരില്ലാത്ത മൂന്നു ഗോളിന് പി.എസ്.ജിയോടേറ്റ നാണം കെട്ട തോല്‍വിക്ക് കണക്കുതീര്‍ക്കാനാണ് ബയേണ്‍ ഇറങ്ങുന്നത്. ടീമിലെ താരങ്ങളും ഇക്കാര്യം വ്യക്തമാക്കിയിട്ടുണ്ട്.
പി.എസ്.ജിക്കെതിരായ തോല്‍വിയോടെ കാര്‍ലോ ആന്‍സലോട്ടിയെ പുറത്താക്കിയ ബയേണ്‍ ജുപ് ഹെയ്ന്‍കസ് എന്ന സൂപ്പര്‍ കോച്ചിന് കീഴിലാണ് കളത്തിലിറങ്ങുന്നത്. നിലവിലെ ഫോമില്‍ പി.എസ്.ജിയെ പിടിച്ചുകെട്ടുക അസാധ്യമാണ്. അതുകൊണ്ട് ഗംഭീര പ്രകടനത്തിനായിരിക്കും ബയേണ്‍ ശ്രമിക്കുക.
മറ്റു മത്സരങ്ങളില്‍ ബാഴ്‌സലോണ സ്‌പോര്‍ട്ടിങിനെയും മാഞ്ചസ്റ്റര്‍ യുനൈറ്റഡ് സി.എസ്.കെ.എ മോസ്‌കോയെയും ചെല്‍സി അത്‌ലറ്റിക്കോ മാഡ്രിഡിനെയും യുവന്റസ് ഒളിംപ്യാകോസിനെയുമാണ് നേരിടുന്നത്. ഇതില്‍ ചെല്‍സിയുടെ മത്സരം അല്‍പം കടുപ്പമേറിയതാണ്.