തേഞ്ഞിപ്പലം: ഗുജറാത്ത് വിദ്യാപീഠ് സര്‍വകലാശാലയില്‍ വച്ച് നടന്ന അഖിലേന്ത്യാ അന്തര്‍ സര്‍വകലാശാലാ ഖൊ-ഖൊ വനിതാ ചാംപ്യന്‍ഷിപ്പില്‍ കാലിക്കറ്റ് സര്‍വകലാശാല രണ്ടാം സ്ഥാനം നേടി. മുംബൈ സര്‍വകലാശാലക്കാണ് ഒന്നാം സ്ഥാനം. കേരള സര്‍വകലാശാല, മൈസൂര്‍ സര്‍വകലാശാല എന്നിവര്‍ മൂന്നാം സ്ഥാനക്കാരായി. ക്വാര്‍ട്ടര്‍ ഫൈനലില്‍ മംഗളൂരു സര്‍വകലാശാലയെയും സെമി ഫൈനലില്‍ കേരള സര്‍വകലാശാലയെയും കാലിക്കറ്റ് തോല്‍പ്പിച്ചു. ലീഗ് റൗണ്ടില്‍ പൂനെ, ജോണ്‍പൂര്‍, ഫൈസാബാദ് സര്‍വകലാശാലകളെയും കാലിക്കറ്റ് പരാജയപ്പെടുത്തി.