തൃശൂര്‍: സി.പി.എം തൃശൂര്‍ ജില്ലാ സെക്രട്ടറിയായി കെ. രാധാകൃഷ്ണനെ വീണ്ടും തെരഞ്ഞെടുത്തു. നാട്ടികയില്‍ സമാപിച്ച ജില്ലാ സമ്മേളനമാണ് സെക്രട്ടറിയായി തെരഞ്ഞെടുത്തത്.
ജില്ലാ സെക്രട്ടറിയായിരുന്ന എ.സി മൊയ്തീന്‍ നിയമസഭാ തെരഞ്ഞെടുപ്പില്‍ മത്സരിച്ചതിനെ തുടര്‍ന്ന് 2016 മാര്‍ച്ച് 28നാണ് രാധാകൃഷ്ണനെ ജില്ലാ സെക്രട്ടറിയായി ആദ്യം തെരഞ്ഞെടുത്തത്.
54കാരനായ രാധാകൃഷ്ണന്‍ നാലുതവണ ചേലക്കര നിയമസഭാ മണ്ഡലത്തില്‍നിന്ന് എം.എല്‍.എയായിട്ടുണ്ട്. 1996ല്‍ നായനാര്‍ മന്ത്രിസഭയില്‍ പട്ടികജാതി-വര്‍ഗ ക്ഷേമം, യുവജനക്ഷേമ വകുപ്പ് മന്ത്രിയായിരുന്നു. 2006-2011 കാലയളവില്‍ സ്പീക്കറായും പ്രവര്‍ത്തിച്ചു.