ദമാം: കിഴക്കൻ സഊദി കേന്ദ്രമാക്കി പ്രവർത്തിക്കുന്ന ശർഖിയ റൈഞ്ച് എസ്കെഎസ്ബി വി രൂപീകരിച്ചു. ദമാം തർബിയ്യത്തുൽ ഇസ്‌ലാം മദ്രസയിൽ നടന്ന ശർഖിയ്യ റൈഞ്ച് ജംഇയ്യത്തുൽ മുഅല്ലിമീൻ എസ് കെ എസ് ബി വി രൂപീകരണ കൺവെൻഷനിലാണ് ഭാരവാഹികളെ പ്രഖ്യാപിച്ചത്. ശർഖിയ്യ റൈഞ്ച് ജംഇയ്യത്തുൽ മുഅല്ലിമീൻ ട്രഷറർ ഇബ്രാഹീം ദാരിമിയുടെ പ്രാർത്ഥനയോടെയാണ് പുതിയ കമ്മിറ്റിക്ക് രൂപീകരണം നൽകിയത്. സഊദിയിലെ തന്നെ ആദ്യ റൈഞ്ച് എസ് കെ എസ് ബി വി കമ്മിറ്റിയാണ് നിലവിൽ വന്നത്.

ഭാരവാഹികൾ: പ്രസിഡണ്ട്: മഹ്മൂദ് ഹസ്സൻ (ഖോബാർ മദ്രസ), ജനറൽ സെക്രട്ടറി: മുഹമ്മദ് ഇബ്രാഹിം. ടി. കെ (ദമാം മദ്രസ), ട്രഷറർ: മുഹമ്മദ് റയ്യാൻ കണ്ണൂർ (ജുബൈൽ ‌ മദ്രസ്സ), വർക്കിംഗ് സെക്രട്ടറി: അൽസാബിത് കരീം (ദമാം മദ്രസ), വൈസ് പ്രസിഡണ്ടുമാർ: മുഹമ്മദ് നുജൈം (ജുബൈൽ മദ്രസ), മുഹമ്മദ് റിള് വാൻ (അൽഅഹ്സ മദ്രസ), ജോയിൻറ് സെക്രട്ടറിമാർ: മുഹമ്മദ് ഫുആദ് ഇസ്മാഈൽ (അൽഅഹ്സ), മുഹമ്മദ് സഹദ് (റഹീമ മദ്രസ), ജില്ലാ കൗൺസിലർ: മുഹമ്മദ് റയാൻ (ഖോബാർ മദ്രസ), അഡ്വൈസറി ബോർഡ് ചെയർമാൻ: അഷ്റഫ് അഷ്റഫി കരിമ്പ, കൺവീനർ: സജീർ അൽ അസ്അദി കണ്ണൂർ.

ദമാം തർബിയ്യത്തുൽ ഇസ്‌ലാം മദ്രസയിൽ നടന്ന കൗൺസിൽ മീറ്റിൽ കൺവെൻഷൻ ഉദ്ഘാടനം, പ്രാസ്ഥാനികം, സമാപനം എന്നീ മൂന്ന് സെഷനുകളിൽ നടന്നു. ഉദ്ഘാടന സെഷൻ മുസ്തഫ സ്വാബിരി കാഞ്ഞിരപ്പുഴ ഉദ്ഘാടനം ചെയ്തു. പ്രാസ്ഥാനിക സെഷനിൽ സവാദ് ഫൈസി വർക്കല എസ് കെ എസ് ബി വി യെ പരിചയപ്പെടുത്തി, ലീഡർഷിപ്പ് ആൻഡ് ഹെൽത്ത് വിത്ത് എൻജോയ്മെൻറ് എന്ന വിഷയത്തിൽ മൊയ്തീൻ പട്ടാമ്പി വിഷയം അവതരിപ്പിച്ചു. തുടർന്ന് നടന്ന സംഘടന ക്വിസ് മത്സരത്തിൽ ഇബ്രാഹിം ടി കെ ഒന്നാം സ്ഥാനവും, മഹ്മൂദ് ഹസൻ രണ്ടാം സ്ഥാനവും മിദ്ലാജ് മൂന്നാം സ്ഥാനവും കരസ്ഥമാക്കി.

സമാപന സെഷനിൽ കമ്മിറ്റി രൂപീകരണത്തിന് എസ് ഐ സി ഈസ്റ്റേൺ സോൺ പ്രസിഡണ്ട് അബ്ദുൽ നാസർ ദാരിമി, ജനറൽ സെക്രട്ടറി അഷ്റഫ് അഷ്റഫി, നജ്മുദ്ധീൻ മാസ്റ്റർ, സജീർ അസ്അദി, നൗഷാദ് ദാരിമി എന്നിവർ നേതൃത്വം നൽകി. അഷ്റഫ് അഷ്റഫി സ്വാഗതവും സജീർ അസ്അദി നന്ദിയും പറഞ്ഞു.