ഫൈസാബാദ് (പട്ടിക്കാട്): പട്ടിക്കാട് ജാമിഅ നൂരിയ്യ അറബിയ്യ 61ാം വാര്‍ഷിക 59ാം സനദ് ദാന സമാപന സമ്മേളനത്തിന് നാളെ പരിസമാപ്തിയാവും. 572 പണ്ഡിത വിദ്യാര്‍ഥികള്‍ ഫൈസി ബിരുദം സ്വീകരിക്കും. മഗ്രിബിനു ശേഷം നടക്കുന്ന സമാപന സമ്മേളനം സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങളുടെ അധ്യക്ഷതയില്‍ ബഹ്‌റൈന്‍ പാര്‍ലമെന്റ് ഡെപ്യൂട്ടി സ്പീക്കര്‍ ശൈഖ് അഹ്മദ് അബ്ദുല്‍ വാഹിദ് ഖറാത്ത ഉദ്ഘാടനം ചെയ്യും.
പാണക്കാട് സയ്യിദ് സാദിഖലി ശിഹാബ് തങ്ങള്‍ മൗലവി ഫാസില്‍ ഫൈസി സനദ് ദാനം നിര്‍വഹിക്കും.

മാണിയൂര്‍ അഹമ്മദ് മുസ്ലിയാര്‍ പ്രാര്‍ത്ഥന നിര്‍വഹിക്കും. സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ സനദ് ദാന പ്രഭാഷണം നടത്തും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ സ്വാഗതം പറയും. പ്രിതപക്ഷ ഉപനേതാവ് പി.കെ കുഞ്ഞാലിക്കുട്ടി അവാര്‍ഡ് ദാനം നിര്‍വഹിക്കും. സമസ്ത സെക്രട്ടറി എം.ടി അബ്ദുല്ല മുസ്ലിയാര്‍, സമസ്ത ട്രഷറര്‍ കൊയ്യോട് പി.പി ഉമര്‍ മുസ്ലിയാര്‍, എം.പി അബ്ദുസമദ് സമദാനി എം.പി, എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍ തുടങ്ങിയവര്‍ സംസാരിക്കും.

ജാമിഅ നൂരിയ്യ സനദ് ദാന സമ്മേളന സമാപനം നാളെ; ബഹ്‌റൈന്‍ പാര്‍ലമെന്റ് ഡെപ്യൂട്ടി സ്പീക്കര്‍ ഉദ്ഘാടനം ചെയ്യും