വോട്ടര്‍ ഐഡി ഫോണിലേക്ക് ഡൗണ്‍ലോഡ് ചെയ്യാം

വോട്ടര്‍ ഐഡി കയ്യില്‍ കൊണ്ടു നടക്കേണ്ട ഈസിയായി ഫോണിലേക്ക് ഡൗണ്‍ലോഡ് ചെയ്ത് സൂക്ഷിക്കാവുന്നതാണ്. 2021ലെ വോട്ടേഴ്‌സ് ദിനത്തോട് അനുബന്ധിച്ചാണ് ഇന്ത്യയിലെ തെരഞ്ഞെടുപ്പ് കമ്മിഷന്‍ ഡിജിറ്റല്‍ വോട്ടേഴ്‌സ് ഐഡി കാര്‍ഡ് പുറത്തിറക്കിയത്.

'ഇ-വോട്ടര്‍ കാര്‍ഡ്‌സ്' എന്നത് നിങ്ങളുടെ വോട്ടര്‍ ഫോട്ടോ ഐഡിയുടെ ഡിജിറ്റല്‍ പതിപ്പാണ്. അവ ഡൗണ്‍ലോഡ് ചെയ്യാന്‍ എളുപ്പവുമാണ്. നിങ്ങളുടെ സ്മാര്‍ട്ട്‌ഫോണിലോ കമ്പ്യൂട്ടറിലോ പിഡിഎഫ് ഫയലുകള്‍ സപ്പോര്‍ട്ട് ചെയ്യുന്ന മറ്റേതെങ്കിലും ഡിവൈസുകളിലോ ഈ എഡിറ്റ് ചെയ്യാന്‍ സാധിക്കാത്ത PDF ഫോര്‍മാറ്റിലുള്ള ഫയലുകള്‍ . ഇതുകൂടാതെ, നിങ്ങളുടെ ഡിജിറ്റല്‍ വോട്ടര്‍ ഐഡി ഡിജിലോക്കര്‍ പോലുള്ള ഡിജിറ്റല്‍ ലോക്കറുകളിലും സൂക്ഷിക്കാം.

ഡിജിറ്റലായി നിങ്ങളുടെ വോട്ടര്‍ ഐഡി ഡൌണ്‍ലോഡ് ചെയ്യുന്നതിന് മുമ്പ് നിങ്ങളുടെ മൊബൈല്‍ നമ്പര്‍ വോട്ടര്‍ ഐഡിയുമായി കണക്റ്റ് ചെയ്തിട്ടുണ്ട് എന്നുള്ള കാര്യം ഉറപ്പിക്കുക. ഇ-വോട്ടര്‍ കാര്‍ഡ് ഡൗണ്‍ലോഡ് ചെയ്യുന്നതിന് മുമ്പ് തന്നെ KYC പ്രക്രിയ പൂര്‍ത്തിയാക്കണം. ഡിജിറ്റല്‍ ഡൗണ്‍ലോഡ് ചെയ്യുമ്പോള്‍ നിങ്ങളുടെ ഫിസിക്കല്‍ വോട്ടര്‍ ഐഡി (അല്ലെങ്കില്‍ EPIC നമ്പര്‍) കയ്യില്‍ സൂക്ഷിക്കുക.

ഡിജിറ്റല്‍ വോട്ടര്‍ ഐഡി കാര്‍ഡ് ഡൗണ്‍ലോഡ് ചെയ്യുന്നതെങ്ങനെ

• നിങ്ങളുടെ സ്മാര്‍ട്ട്‌ഫോണില്‍ ഏതെങ്കിലും വെബ് ബ്രൗസര്‍ തുറക്കുക.
  ഡിജിറ്റല്‍ വോട്ടര്‍ ഐഡി ലഭിക്കാന്‍ ഔദ്യോഗിക വെബ്‌സൈറ്റായ https://eci.gov.in/e-epic/ സന്ദര്‍ശിക്കുക.
• ഡൗണ്‍ലോഡ് e-EPIC ഓപ്ഷനില്‍ ടാപ്പ് ചെയ്യുക.
• വെബ്പേജിന്റെ മുകളിലുള്ള e-EPIC ഡൗണ്‍ലോഡ് ബട്ടണ്‍ അമര്‍ത്തുക.
• നിങ്ങള്‍ ഇതിനകം തന്നെ രജിസ്റ്റര്‍ ചെയ്ത യൂസര്‍ ആണെങ്കില്‍ ലോഗിന്‍ വിവരങ്ങള്‍ നല്‍കുക.
• രജിസ്റ്റര്‍ ചെയ്തിട്ടില്ലെങ്കില്‍ ഫോണ്‍ നമ്പര്‍ നല്‍കി രജിസ്റ്റര്‍ ചെയ്യുക.
• നിങ്ങള്‍ പോര്‍ട്ടലില്‍ കയറി ഡൗണ്‍ലോഡ് ഇ-എപ്പിക് ലിങ്കില്‍ ടാപ്പുചെയ്ത് നിങ്ങളുടെ വോട്ടര്‍ ഐഡി കാര്‍ഡില്‍ പ്രിന്റ് ചെയ്തിരിക്കുന്ന 10 അക്കങ്ങളുള്ള EPIC നമ്പര്‍ ടൈപ്പ് ചെയ്യുക.
• സ്‌ക്രീനില്‍ കാണുന്ന നിങ്ങളുടെ വിശദാംശങ്ങള്‍ പരിശോധിക്കുക.
  ഫോണില്‍ വരുന്ന ഒടിപി വെബ്‌സൈറ്റില്‍ നല്‍കുക.
• ഇനി ഡിജിറ്റല്‍ വോട്ടര്‍ ഐഡി ഡൗണ്‍ലോഡ് ചെയ്യാന്‍ ഡൗണ്‍ലോഡ് e-EPIC അമര്‍ത്തുക. നിങ്ങളുടെ ഡിജിറ്റല്‍ വോട്ടര്‍ ഐഡി എഡിറ്റ് ചെയ്യാനാവാത്ത PDF ഫോര്‍മാറ്റിലാണ് ഫോണില്‍ ഡൗണ്‍ലോഡ് ചെയ്യപ്പെടുന്നത്.