ദോഹ: ഏഷ്യൻ കപ്പ് ഫുട്ബാളിൻ്റെ ചരിത്രവും,കഥകളുമായി പ്രത്യേക പുസ്‌തകവുമായി ഖത്തർ പ്രസ് സെന്റർ. 'അറ്റ്ലസ് ഓഫ് ദി 2023 ഏഷ്യൻ കപ്പ്` എന്ന പേരിൽ പുറത്തിറക്കുന്ന പുസ്‌തകത്തിന്റെ പ്രകാശനം ജനുവരി 14ന് ഖത്തർ മ്യൂസിയത്തിൽ നടക്കും. ടൂർണമെൻ്റിൽ പങ്കെടുക്കുന്ന 24 രാജ്യങ്ങളുടെയും അംബാസഡർമാരും ചടങ്ങിൽ പങ്കെടുക്കും.

ശൈഖ്‌ഥാനി ബിൻ അലി ആൽഥാനിയാണ് പുസ്‌തകത്തിൻ്റെ രചയിതാവ്. ഖത്തർ വേദിയാവുന്ന ടൂർണമെൻ്റിൻ്റെ വിശേഷങ്ങളും, ഏഷ്യൻ കപ്പിന്റെ ചരിത്രവും, പങ്കെടുക്കുന്ന ടീമുകളുടെ വിശകലനവുമായി സമ്പൂർണമായ വിവരണങ്ങളോടെയാണ് പുസ്‌തകം തയാറാക്കിയതെന്ന് അദ്ദേഹം പറഞ്ഞു.

1956ൽ ഏഷ്യൻ കപ്പ് ആരംഭിച്ചതിന് ശേഷം മൂന്നാം തവണയാണ് ടൂർണമെൻ്റിന് ഖത്തർ വേദിയാകുന്നത്. ആദ്യ ടൂർണമെന്റിന് ശേഷമുള്ള മുൻ ടൂർണമെൻ്റുകളുടെ ചരിത്രം, കടന്നുപോയ ഘട്ടങ്ങൾ, ആതിഥേയത്വം വഹിച്ച നഗരങ്ങൾ എന്നിവയുടെ അവലോകനവും പുസ്‌കത്തിലുണ്ട്.

Content Highlights:The book comes with Asian Cup history and stories