ആലപ്പുഴ: ആലപ്പുഴ ബൈപ്പാസിന്റെ ഉദ്ഘാടനത്തിന് ഇനി ആരെയും കാത്തിരിക്കാനാവില്ലെന്ന് മന്ത്രി ജി സുധാകരന്‍. അടുത്ത് മാസം ഉദ്ഘാടനം നിര്‍വഹിക്കുമെന്ന് മന്ത്രി പറഞ്ഞു. ഈ സര്‍ക്കാരിന്റെ കാലത്ത് ബൈപ്പാസ് ഉദ്ഘാടനം ചെയ്യാതിരിക്കാന്‍ ചില കുബുദ്ധികള്‍ ശ്രമിക്കുന്നതെന്ന് മന്ത്രി ആരോപിച്ചു. ഉദ്ഘാടനത്തിന് ഉടന്‍ തന്നെ പ്രധാനമന്ത്രിയുടെ തീയതി ഉറപ്പാക്കണമെന്ന് ആവശ്യപ്പെട്ട് കേന്ദ്ര ഉപരിതല ഗതാഗത മന്ത്രി നിതിന്‍ ഗഡ്കരിക്ക് കത്തയച്ചതായി സുധാകരന്‍ പറഞ്ഞു.

ഉദ്ഘാടനത്തിന് പ്രധാനമന്ത്രിക്ക് താതപര്യമുണ്ടെന്നറിയിച്ചിരുന്നു. എന്നാല്‍ രണ്ട് മാസമായിട്ടും ഒരു പ്രതികരണവുമില്ല. ഒരു മാസം കൂടിയേ ഇനി കാക്കാനാവൂവെന്നും മന്ത്രി കൂട്ടിചേര്‍ത്തു.