കോഴിക്കോട്: യൂത്ത് ലീഗ് കെ.റെയിലിനെതിരെയുള്ള പ്രത്യക്ഷ സമര പരിപാടികൾ ആരംഭിച്ചു. ഫറോക്ക് നല്ലൂരില്‍ യൂത്ത്‌ലീഗ് പ്രവര്‍ത്തകര്‍ കെ റെയില്‍ സര്‍വേകല്ല് പിഴുതെറിഞ്ഞാണ് സമരപരിപാടികൾക്ക് തുടക്കമായത്.

സംസ്ഥാന ജനറല്‍ സെക്രട്ടറി പി കെ ഫിറോസിന്റെ നേതൃത്വത്തില്‍ പ്രകടനമായി എത്തിയായിരുന്നു അതിക്രമം.കെ റെയിലിനായി സ്ഥാപിച്ച സര്‍വെകല്ലുകള്‍ ഇനിയും പിഴുതെറിയുമെന്ന് പി കെ ഫിറോസ് പറഞ്ഞു.

പദ്ധതിയെ അംഗീകരിക്കില്ലെന്നും ഫിറോസ് പറഞ്ഞു. സംസ്ഥാന വ്യാപകമായി കെ റെയിൽ വിരുദ്ധ സമരത്തിൽ പങ്കെടുക്കാൻ യൂത്ത് ലീഗ് പ്രവർത്തകരോടും പൊതുജനങ്ങളോടും ഫിറോസ് അഭ്യർത്ഥിച്ചു.