കാണ്‍പൂര്‍:  കാണ്‍പൂരില്‍ ഇലക്ട്രിക്ക് ബസ് നിയന്ത്രണം നഷ്ടപ്പെട്ടു വഴിയാത്രക്കാരിലേക്ക് ഇടിച്ചു കയറി ആറുപേര്‍ മരിച്ചു
. 12 പേര്‍ക്ക് പരുക്കേറ്റു. തിങ്കളാഴ്ച രാവിലെ ടാറ്റ് മില്‍ ക്രോസ്‌റോഡിന് സമീപമാണ് സംഭവം.
അമിതവേഗതയിലെത്തിയ ബസ് നിയന്ത്രണം വിട്ട് നിരവധി വാഹനങ്ങളെയും വഴിയാത്രക്കാരെയും ഇടിക്കുകയായിരുന്നു. അപകടത്തില്‍ മൂന്ന് കാറുകളും നിരവധി ബൈക്കുകളും ബസും തകര്‍ന്നു.
ഡ്രൈവര്‍ ഒളിവിലാണെന്നും അന്വേഷണം ആരംഭിച്ചിട്ടുണ്ടന്നും ലോക്കല്‍ പൊലിസ് അറിയിച്ചു.
അപകടത്തില്‍ രാഷ്ട്രപതി രാംനാഥ് കോവിന്ദും കോണ്‍ഗ്രസ് നേതാവ് പ്രിയങ്ക ഗാന്ധിയും ദുഃഖം രേഖപ്പെടുത്തി.