മലപ്പുറം: വള്ളിക്കുന്നില്‍ ട്രെയിനിന് മുന്നില്‍ ചാടി യുവതി ആത്മഹത്യ ചെയ്ത സംഭവത്തിന് പിന്നില്‍ സ്ത്രീധന പീഡനമെന്ന് യുവതിയുടെ ബന്ധുക്കള്‍.

പണവും സ്വര്‍ണവും ആവശ്യപ്പെട്ട് ഭര്‍ത്താവ് ശാലുവും വീട്ടുക്കാരും യുവതിയെ നിരന്തരം മര്‍ദിച്ചതായി യുവതിയുടെ കുടുംബം ആരോപിച്ചു. ചൊവ്വാഴ്ച്ചയാണ് ചാലിയം സ്വദേശി ലിജിന ട്രെയിനിന് മുന്നില്‍ ചാടി മരിച്ചത്.

സംഭവത്തെക്കുറിച്ച് അന്വേഷണം ആവശ്യപെട്ട് കുടുംബം എസ് പി അടക്കമുള്ള പൊലിസ് ഉദ്യോഗസ്ഥര്‍ക്കും വനിത കമ്മിഷനും പരാതി നല്‍കി.