ഭോപ്പാല്‍: ഭോപ്പാലിലെ ബാര്‍ഗിയില്‍ നിര്‍മാണത്തിലിരിക്കുന്ന തുരങ്കം തകര്‍ന്നുവീണ് അപകടം. അവശിഷ്ടങ്ങള്‍ക്കിടെ കുടുങ്ങിയ ഏഴ് തൊഴിലാളികളെ രക്ഷപ്പെടുത്തി. രണ്ട് പേര്‍ക്ക് വേണ്ടിയുള്ള തെരച്ചില്‍ പുരോഗമിക്കുകയാണ്. സംസ്ഥാന ദുരന്ത നിവാരണ സേന (എസ്ഡിഇആര്‍എഫ്) സംഘത്തോടൊപ്പം പ്രാദേശിക ഉദ്യോഗസ്ഥരും ഇവരെ രക്ഷിക്കാനുള്ള ശ്രമത്തിലാണ്.

മധ്യപ്രദേശിലെ കാട്നി ജില്ലയിലെ ശ്ലീമനബാദില്‍ ശനിയാഴ്ച്ചയാണ് സംഭവം. കനാല്‍ പദ്ധതിയുടെ ഭാഗമായി നിര്‍മിക്കുന്ന തുരങ്കമാണ് തര്‍ന്നുവീണത്.

അതേസമയം, കുടുങ്ങി കിടക്കുന്ന തൊഴിലാളികള്‍ രക്ഷാ പ്രവര്‍ത്തകരുടെ ഫോണ്‍ കോളുകളോട് പ്രതികരിക്കുകയായിരുന്നുവെന്ന് സ്ലീമനാബാദ് സബ് ഡിവിഷണല്‍ മജിസ്ട്രേറ്റ് സംഘ് മിത്ര ഗൗതം പറഞ്ഞു.