കൊച്ചി: 6100 കോടിയുടെ നാല് പദ്ധതികള്‍ രാജ്യത്തിന് സമര്‍പ്പിക്കുന്നതിനായി പ്രധാനമന്ത്രി നരേന്ദ്രമോദി കൊച്ചിയിലെത്തി. ചെന്നൈയില്‍ നിന്നും നാവികസേന വിമാനത്താവളത്തിലെത്തിയ അദ്ദേഹത്തെ സംസ്ഥാന സര്‍ക്കാരിനു വേണ്ടി മന്ത്രി ജി സുധാകരന്‍ സ്വീകരിച്ചു.

കൊച്ചിന്‍ റിഫൈനറിയിലെ പ്രൊപ്പലൈന്‍ ഡെറിവേറ്റീവ്‌സ് പെട്രോ കെമിക്കല്‍ കോംപ്ലക്‌സ്, വെല്ലിങ്ടണ്‍ ഐലന്‍ഡിലെ ഇന്‍ലാന്‍ഡ് വാട്ടര്‍വേയ്‌സ് അതോറിറ്റിയുടെ റോ-റോ വെസല്‍സ്, കൊച്ചിന്‍ പോര്‍ട്ട് ട്രസ്റ്റിന്റെ ഇന്റര്‍നാഷണല്‍ ക്രൂസ് ടെര്‍മിനല്‍, കൊച്ചിന്‍ ഷിപ്പ് യാര്‍ഡിന്റെ മറൈന്‍ എന്‍ജിനിയറിങ് ട്രെയിനിങ് ഇന്‍സ്റ്റിറ്റ്യൂട്ട് 'വിജ്ഞാന്‍ സാഗര്‍' എന്നിവയാണ് പ്രധാനമന്ത്രി ഉദ്ഘാടനം ചെയ്യുക.

കൊച്ചിന്‍ പോര്‍ട്ട് ട്രസ്റ്റിന്റെ സൗത്ത് കോള്‍ ബര്‍ത്തിന്റെ തറക്കല്ലിടല്‍ കര്‍മവും അദ്ദേഹം അമ്പലമുകളിലെ ബി.പി.സി.എല്‍ റിഫൈനറിയില്‍ നടക്കുന്ന ചടങ്ങില്‍ നിര്‍വഹിക്കും.

ചടങ്ങിനുശേഷം അദ്ദേഹം ബി.ജെ.പി.കോര്‍ കമ്മിറ്റിയോഗത്തില്‍ പങ്കെടുക്കും. തുടര്‍ന്ന് അദ്ദേഹം ഡല്‍ഹിയിലേക്ക് മടങ്ങും.