ന്യൂഡൽഹി
ഹിജാബ് വിഷയം ഇന്ത്യയുടെ ആഭ്യന്തര കാര്യമാണെന്ന് ആവർത്തിച്ച് വിദേശകാര്യമന്ത്രാലയം. മറ്റ് രാജ്യങ്ങൾക്ക് ഇതിൽ അഭിപ്രായം പറയാൻ അവകാശമില്ലെന്നും വിദേശകാര്യ മന്ത്രാലയ വക്താവ് അരിന്ദം ബാഗ്ജി വ്യക്തമാക്കി. ഇന്ത്യക്ക് ഒരു ഭരണഘടനയും ജുഡീഷ്യൽ സംവിധാനവും ജനാധിപത്യ ധാർമികതയുമുണ്ട്. ഇത്തരം കാര്യങ്ങൾക്ക് പരിഹാരം കാണുന്നതിനുള്ള ചട്ടക്കൂട് ഇതെല്ലാമാണ്. ഈ വിഷയം കോടതിയുടെ പരിഗണനയിലുള്ളതാണ്. കർണാടക ഹൈക്കോടതി അത് പരിശോധിക്കുന്നുണ്ടെന്നും അദ്ദേഹം കൂട്ടിച്ചേർത്തു.