റിയാദ്: സഊദിയിൽ ഓഫീസുകളിലേക്കും ഷോപ്പിംഗ് മാളുകളിലേക്കും പ്രവേശിക്കുന്നതിനായി ഏർപ്പെടുത്തിയ "തവക്കൽന" ആപ്പിനൊപ്പം "തബാഉദ്" ആപ്ലിക്കേഷനും നിർബന്ധമാക്കുന്നു. പ്രവേശന കവാടങ്ങളിൽ തങ്ങളുടെ ആരോഗ്യ സ്ഥിതി വ്യക്തമാക്കി തവക്കൽന ആപ്ലിക്കേഷൻ കാണിക്കുമ്പോൾ "തബാഉദ്" ആപ്ലിക്കേഷൻ കൂടി കാണിക്കാൻ സെക്യൂരിറ്റിക്കാർ ആവശ്യപ്പെടുന്നുണ്ട്. നിരവധിയാളുകൾക്ക് ഇവ പിന്നീട് ഇൻസ്റ്റാൾ ചെയ്‌ത ശേഷമാണ് മാളുകളിലേക്ക് പ്രവേശനം നൽകിയത്.

    നിരവധിയാളുകൾ ഒരേ സ്ഥലങ്ങളിൽ കൂടുന്നയവസരത്തിൽ വൈറസ് ബാധിച്ചവർ ഉണ്ടെങ്കിൽ മറ്റുള്ളവർക്ക് നോട്ടിഫിക്കേഷൻ ലഭിക്കുന്ന സംവിധാനമാണ് "തബാഉദ്" ആപ്പിൽ സംവിധാനിച്ചിരിക്കുന്നത്. മാത്രമല്ല, തങ്ങളുടെ ആരോഗ്യ സ്ഥിതി മറ്റുള്ളവർക്ക് വേണമെങ്കിൽ പങ്ക് വെക്കാനുള്ള സംവിധാനവുമുണ്ട്. എന്നാൽ, ആരോഗ്യ സ്ഥിതി മാത്രമേ മറ്റുള്ളവർക്ക് അറിയാൻ സാധിക്കൂ വ്യക്തിഗത വിവരങ്ങൾ പങ്കു വെക്കുന്നില്ല. ആപ്ലിക്കേഷൻ ഡൌൺലോഡ് ചെയ്യാൻ ഇവിടെ ക്ലിക്ക് ചെയ്യുക.