ചെന്നൈ: പ്രശസ്ത സംഗീത സംവിധായകനും തിരക്കഥാകൃത്തുമായ ഐസക് തോമസ് കൊട്ടുകാപ്പള്ളി (72) അന്തരിച്ചു. ചെന്നൈയില്‍ ആയിരുന്നു അന്ത്യം. തുടര്‍ച്ചയായി മൂന്നു തവണ മികച്ച പശ്ചാത്തല സംഗീതത്തിനുള്ള ദേശീയപുരസ്‌കാരം നേടിയിരുന്നു. മുന്‍ എംപി ജോര്‍ജ് തോമസ് കൊട്ടകാപ്പള്ളിയുടെ മകനാണ്. ഭാര്യ ചിത്ര. കോട്ടയം ജില്ലയിലെ പാലായിലാണ് ജനനം. പൂനെ ഫിലിം ഇന്‍സ്റ്റിറ്റ്യൂട്ടില്‍ നിന്ന് സംവിധാനത്തിലും തിരക്കഥാരചനയിലും പിജി ഡിപ്ലോമ നേടിയ ഇദ്ദേഹം സംഗീതത്തില്‍ കൊടൈക്കനാല്‍ സ്‌കൂളിലെ അമേരിക്കന്‍ ടീച്ചേഴ്‌സില്‍ നിന്ന രണ്ടുവര്‍ഷത്തെ പഠനത്തിനു ശേഷം ലണ്ടന്‍ ട്രിനിറ്റി കോളജ് ഓഫ് മ്യൂസിക്കില്‍ നിന്നു പിയാനോയില്‍ സിക്‌സ്ത്ത് ഗ്രെയ്ഡും പാസായി.